Böyük Soçi ərazisində aqroparkların yaradılması planlaşdırılır, kurortun meri Aleksey Kopayqorodski bildirib.
“Planlara real aqroparkların yaradılması, o cümlədən təkcə məhsulların becərilməsi və emalı deyil, həm də kurort üçün vacib olan aqroturizm infrastrukturu daxildir. Məhz bu istirahət forması ölkədə getdikcə populyarlaşır”, – Kopayqorodski Telegram kanalında yazıb.
O əlavə edib ki, bu gün artıq kurortun müxtəlif ərazilərində aqroparkların inkişafı konsepsiyası üzərində iş aparılır, şəhər rəhbərliyi kənd təsərrüfatı sənayesinin inkişafı üçün tərk edilmiş kənd təsərrüfatı torpaqlarının idarəyə götürülməsini vəzifə kimi qarşıya qoyub. Kopayqorodskinin sözlərinə görə, aqroparklar təkcə şəhərdə iş yerlərini artırmayacaq, həm də kənd turizminin inkişafı üçün tramplin olacaq.
“Ekologiya ilində belə layihələrin ən yüksək səviyyədə həyata keçirilməsi üçün biz bütün lazımi köməkliyi göstərməyə hazırıq”, - deyə mer vurğulayıb.