Layihəyə 3.7 milyon dollar ayrılacaq. Kənd Təsərrüfatı Nazirliyinin mətbuat xidməti xəbər verir ki, Özbəkistanda ilboyu çiyələk becərilməsi üçün Koreya texnologiyası tətbiq olunacaq. Bu barədə Kənd Təsərrüfatı Nazirliyi ilə Koreyanın Qida, kənd təsərrüfatı, meşə təsərrüfatı və balıqçılıq sahəsində Təhsil, Təşviq və İnformasiya Xidməti Agentliyi (EPIS) arasında saziş imzalanıb. Layihə 3.7 milyon dollar dəyərində qiymətləndirilir və Cənubi Koreya hökumətinin qrant vəsaiti əsasında 2026-cı ilin dekabr ayına qədər həyata keçiriləcək. Bunun üçün Daşkənd Regional Aqro Xidmətlər Mərkəzinin (AKIS) ərazisində, Yüksəkçirçik rayonunda çiyələk yetişdirilməsi üçün günəş enerjisi ilə işləyən istixana tikiləcək. Koreyalı mütəxəssislər tinglik istixanası, yüksək keyfiyyətli çiyələk tinglərinin yetişdirilməsi üçün laboratoriya tikib təchiz edəcəklər. Layihə həmçinin özbək çiyələklərinin daxili və xarici bazarlarda marketinq təşviqi və brendinqinə dəstək verəcək. Bundan əvvəl Kursiv Cənubi Koreyanın kənd təsərrüfatında qabaqcıl texnologiyaların tətbiqi üçün Özbəkistana 21.4 milyon dollar məbləğində qrant ayıracağını yazmışdı. Bu məqsədlə 2022-2026-cı illərdə AKİS-in ərazisində təlim mərkəzləri açılacaq.